ကံမရှိ ဥာဏ်ရှိတိုင်းမွဲ
ကံ-ဟူသည် ကမ္မဟူသော ပါဠိပုဒ်မှဆင်းသက်လာသော မြန်မာဝေါဟာရဖြစ်သည်။ ပြုလုပ်ခြင်း ဟုအဓိပ္ပါယ်ရသည်။ ပြုလုပ်သူ၏ကောင်းမကောင်းသော စေ့ဆော်မှူစိတ်စေတနာပင်ဖြစ်သည်။သို့ဖြစ်၍ လောက၌ စေတနာကောင်းသည် မကောင်းဟု ပြောဆိုရာ၌ ထိုပြုလုပ်မှူကံကိုပင် ညွန်းဆိုကြခြင်းဖြစ်ရာ ပုဂ္ဂိုလ်တစ်ယောက်၏မြင့်မြတ်ကောင်းမွန်သော ဆောင်ရွက်မှူ၊ ယုတ်မာနိမ့်ကျသော ပြုမှူဆောင်ရွက်မှူတို့ကို ခွဲခြားသတ်မှတ်ခြင်းဖြစ်သည်ဟု သိမြင်နိုင်သည်။ထိုပြုလုပ်အပ်သော စေတနာခေါ်ကံသည် အတိတ်ဘ၀လူဖြစ်စဉ်က ပြုလုပ်ခဲ့သောကံ (ကုသိုလ်၊အကုသိုလ်)နှင့်ယခုဘ၀ပြုလုပ်နေသောကံဟူ၍ရှိရာ “ကံမရှိ”ဟူသောပုဒ်အရ ယခုဘ၀ပြုလုပ်နေသော ကောင်းမှူကံအလုပ်ကိုမဆိုလို။အတိတ်ဘ၀ကပြုလုပ်ခဲ့သော ကောင်းမှူကံမရှိခြင်းကိုဆိုလိုပါသည်။
ဥာဏ်ရှိတိုင်းမွဲ-ဟူသည်
အသိဥာဏ်ပညာ အမြော်အမြင်၊ဗဟုသုတ ပြည့်ဝစွာဖြင့်
မည်သို့လုပ်ဆောင်လျှင်၊ကုန်သွယ်ရောင်းဝယ်ဖောက်ကားလျှင်၊တီထွင်ဆန်းသစ်လုပ်ကိုင်လျှင်၊
မည်သည့်အလုပ်ကို လုပ်ကိုင်ဆောင်ရွက်လျှင် ကြီးပွားချမ်းသာနိုင်၏။
အဆင်ပြေချောမွေ့နိုင်၏။ ဆုံးရှုံးပျက်စီးမှူမဖြစ်နိုင်ဟု
ယူဆပြီးကြီးပွားချမ်းသာမှူ ရရှိရေးအတွက် နည်းအမျိုးမျိုးဖြင့်
ကြံစည်လုပ်ဆောင်ပါသော်လည်း တစ်နည်းနည်းဖြင့်
ဆုံးရှု့းံမှူနှင့်ရင်ဆိုင်ကြုံတွေ့ရလေ့ရှိပြီး
အောင်မြင်ကြီးပွားမှူမရခြင်းသဘောကို ဥာဏ်ရှိတိုင်းမွဲဟု ဆိုလိုပါသည်။
ခြိမ်းလွန်းသည့် မိုး မရွာ
မြတ်စွာဘုရားသည် အင်္ဂုတ္တိုရ်ပါဠိတော်နှင့် ပုဂ္ဂလပညတ်ပါဠိတော်တို့၌ အသိရခက်ခဲသော ပုဂ္ဂိုလ်လေးမျိုးတို့ကို အသိရခက်ခဲသော မိုးလေးမျိုးတို့နှင့် ဥပမာပေး၍ နှိုင်ယှဉ်ဟောကြားတော်မူခဲ့သည်။ ထိုဒေသနာတော်တို့၌လာသော မိုးလေးမျိုးတို့အနက် ခြိမ်းသာခြိမ်း၍ မရွာသောမိုး(ဂဇ္ဇိတာနောဝဿိတာ)ဟူသော စကားတော်ကိုယူ၍ ရှေးပညာရှိတို့က "ခြိမ်းလွန်းသည့်မိုး မရွာ" ဟု စကားပုံပြုထားခဲ့ကြခြင်းဖြစ်သည်။ ထိုစကားပုံကို လောက၌" လူပြောမသန် လူသန်မပြော" " အသံသာရှိ အဆံမရှိ" ဆိုသကဲ့သို့ အပြောကြီးသလောက် လက်တွေ့  အလုပ်ကိုမယ်မယ်ရရ မလုပ်သော၊ အပြောနှင့်လက်တွေ့အလုပ် မညီညွတ်သောပုဂ္ဂိုလ်မျိုးကို တွေ့မြင်ရသည့်အခါ ကဲ့ရဲ့ပြစ်တင် ဘ၀င်မကျ မခံချင်လှသည့် သဘောဖြင့် ဥပမာခိုင်းနှိုင်း၍ ပြောဆိုချေပ အသုံးပြုလေ့ရှိကြသည်။
မြန်မာစကားပုံကျမ်း၌ ဤသိုဆိုထားပါသည်..." ခြိမ်းလွန်းသည့်မိုး မရွာ"
ရွာတော့မယောင် ခြိမ်းလွန်းသည့်မိုးသည်မရွာသကဲ့သို တကယ်လုပ်တော့မယ်ယောင်
ကြီးကြီးကျယ်ကျယ် ပြောလွန်းသောသူသည် လက်တွေ့ တွင် တကယ်မလုပ်ချေ" ဟူ၍
ဖွင့်ဆိုထားသည်ကိုတွေ့ရပါသည်။
သို့ဖြစ်၍ ဤစကားပုံအရ ခြိမ်းသာခြိမ်း၍ အဟုတ်တကယ်မရွာသောမိုး၏ သဘောမျှကိုသာ မယူရ။ " ချုန်းလွန်းသောမိုး ရေမဖောင်၊ ဟောင်လွန်သောခွေး လူမလေး"
ဆိုသကဲ့သို့ လူတို့၌ တွေ့ရလေ့ရှိသော ဟိတ်ဟန်အပြည့်နှင့် သူမသိ၊ သူမတတ်၊ သူ
မလုပ်တတ်သောအရာ မရှိသလောက် ကြွားဝါပြောဆိုတတ်သော၊ အပြောနှင့်အလုပ် လက်တွေ
့မညီ တစ်ခြားစီ ပြုလုပ်တတ်သော ပုဂ္ဂိုလ်သည် လက်တွေ့ တွင်မူ အဟုတ်တကယ်
ဖြစ်ဖြစ်မြောက်မြောက် လုပ်ကိုင်တတ်သော၊ လုပ်ကိုင်နိုင်သော၊
လုပ်ကိုင်လေ့ရှိသော အစွမ်းအစမရှိ ဟိုယောင်ယောင် သည်ယောင်ယောင်နှင့်
ရှောင်ကွင်းသွားတတ်၊ ပြောသလို အဟုတ်တကယ် မလုပ်တတ်ဟူသော သဘောကိုလည်း
ယူရမည်ပင်ဖြစ်ပေသည်။ 
No comments:
Post a Comment