သောတာပန်တို့၏စိတ်နေသဘောထားခုနစ်ချက်နှင့် သောတာပန်ဖြစ်ကြောင်းအင်္ဂါလေးပါး

မြတ်စွာဘုရားသက်တော်ထင်ရှားရှိစဉ်က ကောသမ္ဘီမှာ အဘိဓမ္မာနိုင်တဲ့ရဟန်းတစ်ပါးနဲ့ သုတ္တန်ဝိနည်း ခေါင်းဆောင်တစ်ပါးတို့ဟာ ကုဋီတက်ကြတော့ ရေကျန်ကလေးကိုတွေ့၍ အချင်းများပြီးကွဲသွားကြတာဟာ လူတွေသာမက ကိုယ်စောင့်နတ်၊ရွာစောင့်နတ်ကစပြီး၊ နတ်ပြည်ခြောက်ထပ်အထိသူ့ဖက်ကိုယ့်ဖက် နှစ်ခြမ်းကွဲ သွားပါတယ်။ အဘိဓမ္မာရဟန်းက အမှတ်တမဲ့နဲ့ ကုဋိမှာရေကလေးတဝက်ချန်ထားခဲ့မိ၍ ဝိနည်းခေါင်းဆောင် ရဟန်းကအပြစ်ပြောရင်း နှစ်ခြမ်းကွဲသွားတာပါ။ အဲဒါကိုမြတ်စွာဘုရားသိတော်မူတဲ့အခါဆုံးမသော်လည်း မရ၍ ရွှေဥာဏ်တော်နှင့်ဆင်ခြင်တော်မူတဲ့အခါ ဒါဟာဝိပါကဝဋ်တရားပါလားဆိုပြီး ပလလဲတောကိုကြွသွားတော်မူပြီး နောက် ငြိမ်းအေးတဲ့အခါရောက်မှ အရှင်အာနန္ဒာကပင့်၍ ပြန်ကြွလာတော်မူပြီး ဟောကြားတော်မူခဲ့တဲ့ တရားတော်ဖြစ်ပါတယ်။

အသေးအဖွဲ့ကိစ္စကလေးမှစ၍ ယခုလိုဖြစ်ကြတာဟာ ပုထုဇဉ်စိတ်ထားကြောင့်ဖြစ်တဲ့အကြောင်း၊ သောတာပန် ဆိုရင်ဒီလိုမဖြစ်နိုင်ကြောင်း သိစေချင်တာကြောင့် သောတာပန်တို့ရဲ့ စိတ်နေအထားကို အောက်ပါ(၇)ချက်ပြ၍ ဟောကြားတော်မူခြင်းဖြစ်ပါတယ်။ အဲဒီအချက်တွေကဘာတွေလဲလို့ဆိုတော့ 

 

၁။ သောတာပန်အနေနဲ့ ဒိဋ္ဌိ ဝိစိကိစ္ဆာအစရှိတဲ့ တရားတွေကိုသာ ပယ်သတ်နိုင်တာ လောဘ၊ဒေါသ၊ငိုက်မြည်းမှု (ထိနမိဒ္ဓ)၊ စိတ်ပျံ့လွင့်မှု(ကုက္ကုစ္စ) ဆိုတဲ့ တရားတွေမှာ ပုထုဇဉ်က ဖြစ်ကြောရှည်တယ်။ သောတာပန်က ဖြစ်ကြောမရှည်ဘူး။ တိုတယ်။ မပါယ်သတ်နိုင်သေးတဲ့ ကိလေသာတွေ တစ်ခုဖြစ်သွားရင် ဖြစ်သွားပြီလို့ ဥာဏ်အသိကလေးကချက်ခြင်းလိုက်တယ်။လောဘ၊ ဒေါသ၊ မောဟ ထတိုင်းထတိုင်း၊ ပေါ်တိုင်းပေါ်တိုင်း နောက်ကချက်ခြင်း သိတာသည် သောတာပန်၏ အသိပင်ဖြစ်၏။

၂။ သောတာပန်အနေနဲ့ မပယ်နိုင်သေးတဲ့လောဘ၊ ဒေါသ၊ မောဟ အစရှိသည်တို့ဟာ ပုထုဇဉ်လိုပဲ ဖြစ်တတ် ပါတယ်။ ဒါပေမယ့် လွန်ကျူးခဲ့တဲ့ ကိလေသာတွေကို ရှိမှန်းသိနေတဲ့အတွက် ခန္ဓာဖြစ်ပျက်ကို ရှုပြီး ငြိမ်းအေး အောင် လုပ်နိုင်တဲ့စိတ်နေစိတ်ထား သဘောသွားရှိရင် သောတာပန်ပဲဖြစ်ပါတယ်။

၃။ မြတ်စွာဘုရားသာသနာတော်မှတစ်ပါး တခြားတစ်ပါးသော သာသနာမှာ သောတာပန်၊ သကဒါဂမ်၊ အနာဂါမ်၊ ရဟန္တာမရှိနိုင်ဘူးဆိုတဲ့ အသိ၊ ဒီမြတ်စွာဘုရားသာသနာတော်မှတစ်ပါးအခြားသော သာသနာမှာ သံသရာဝဋ်ဒုက္ခမှ ထွက်ရပ်လမ်းမရှိဘူးလို့ သိတာဟာ သောတာပန်တို့၏ အသိပဲဖြစ်ပါတယ်။

၎။ရဟန်းများမှာတော့ လွန်ကျူးမိတဲ့ အာပတ်အတွက် ချက်ချင်းပဲ ဒေသနာကြားချင်တယ်။ (အာပတ်ဖြေဖျောက်)ချင်တယ်။လူများမှာကျတော့ မပယ်နိုင်သေးတဲ့ ကိလေသာကြောင့် အပြစ်သင့်သွားတဲ့ အတွက် မြန်မြန်ဝန်ချတောင်းပန်ပြီး ပြေပျောက်အာင်လုပ်နိုင်တဲ့ စိတ်နေစိတ်ထားဟာလည်း သောတာပန်တို့၏ စိတ်နေစိတ်ထားပင်ဖြစ်ပါတယ်။

၅။ သောတာပန်လည်း အရပ်ထဲမှာနေထိုင်တဲ့အတွက် ကိစ္စကြီးငယ်ကြောင့် ကူပါဦး၊ ယူပါဦးဟုဆိုလျှင် ကူချင်၊ ယူချင်စိတ်တော့ သောတာပန်မှာလည်း ပေါ်ပါတယ်။ တရားရုံးတို့မှာ လိုက်ပင်လိုက်ငြားသော်လည်း သူရဲ့ မှန်တာပြော၊ မှန်တာလုပ်၊ မှန်တဲ့အသက်မွေးဝမ်းကျောင်းပဲလုပ်မယ်ဆိုတဲ့ အဓိသီလ သုံးပါးနှင့်တကွ အဓိသမာဓိ၊ အဓိပညာတွေကိုတော့ ဘယ်တော့မှ အပျက်စီးမခံတဲ့ စိတ်နေစိတ်ထားသည် သောတာပန်တို့၏ စိတ်နေစိတ်ထားပင်ဖြစ်၏။

၆။ခန္ဓာ၊အာယတန၊ဓာတ်၊ သစ္စာ၊ ပဋိစ္စသမုပ္ပါဒ်တရားတွေကို ဘယ်သူကပင်ဟောဟော၊ အာရုံတစ်ပါး စိတ်မသွားဘဲ အနက် အဓိပ္ပါယ်ကိုပါသိပြီး တရားနာနိုင်တဲ့ စိတ်နေစိတ်ထားဟာလည်း ပုထုဇဉ်များနှင့်မတူတဲ့ သောတာပန်တို့၏ စိတ်နေစိတ်ထားပင်ဖြစ်၏။

၇။ တရားနာပြီးသည်၏နောက်တွင် သဘောပေါက်ပြီး ခန္ဓာဥာဏ်ရောက်ဟောကြားတဲ့ တရားရှင်တွေကို ကျေးဇူးတင်လို့မဆုံး ဝမ်းမြောက်လို့မဆုံးဖြစ်လေ့ရှိပါတယ်။ ဤအချက်များသည် ပုထဇဉ်နှင့်မတူသော သောတာပန်တို့၏ စိတ်နေစိတ်ထားများပင်ဖြစ်ပါသည်။

သောတာပန်ဖြစ်ကြောင်း အင်္ဂါလေးပါး

၁။ ရုပ်၊ နာမ်၊ အာယနတ၊ ဓာတ်၊ သစ္စာတို့၌ ကျွမ်းကျင်လိမ္မာသော၊ ဘဝအဖန်ဖန်ဖြစ်ရခြင်းကို ဒုက္ခသစ္စာဟူ၍ ဘဝကိုမလိုချင်အောင်ဟောနိုင်၊ပြောနိုင်သော သူတော်ကောင်းကို ပေါင်းရခြင်း။(သပ္ပုရိသ သံသေဝ)

၂။ ရုပ်၊နာမ်၊ ခန္ဓာ၊ အာယတန၊ ဓာတ်၊ သသစ္စာတို့နှင့်ဆိုင်သော တရားတို့ကို ထိုးထွင်း၍ သစ္စာဥာဏ်နှင့် သိပြီးသူ၏ တရားကို နာကြားရခြင်း။ (သဒ္ဓမ္မသဝန)

၃။ မိမိကိုယ်တိုင်ကလည်း နားလည်အောင်နှလုံးသွင်းရခြင်း။(ယောနိသောမနသိကာရ)

၎။ မဂ်၊ ဖိုလ်နိဗ္ဗာန်ကိုရကြောင်းဖြစ်သော ကိလေသာတို့ကို ဖယ်ရှားခွာပေးတတ်သော ဝိပဿနာအကျင့်တရား ကို ကျင့်ထားရခြင်းစသည့်လေးပါးတို့သည် သောတာပန်အဖြစ်သို့ ရောက်ကြောင်းအင်္ဂါများပင် ဖြစ်ပါသည်။ (ဓမ္မာနုဓမ္မပဋိပတ္တိ)

စာဖတ်သူအားလုံး သက်ရှည်ကျန်းမာစိတ်ချမ်းသာ၍ လိုရာဆန္ဒများတစ်လုံးတစ်လုံးတစ်ဝတည်းပြည့်ဝ ကြပါစေ။

အရှင်ဝိမလဝံသ(နာလန္ဒာတက္ကသိုလ် အိန္ဒိယနိုင်ငံ)

 

တက်တူး